Լոռու մարզի ընդհանուր իրավասության դատարանում, դատավոր Նարինե Հովակիմյանի նախագահությամբ, ընթանում է վանաձորցի Ն. Ժ.-ի դատաքննությունը:
46-ամյա վանաձորցի կինը մեղադրվում է իր նորածին երեխային սպանելու մեջ:
Համաձայն մեղադրական եզրակացության` Ն.Ժ.-ն 2012 թվականի դեկտեմբերի 11-ին, ժամը 3-ի սահմաններում Վանաձոր քաղաքի իր տան խոհանոցում ծննդաբերել է իր համար անցանկալի իգական սեռի կենդանի, կենսունակ, հասուն երեխա, ապա հիշյալ փաստն իր հարազատներից թաքցնելու և նորածնին ապօրինաբար դիտավորությամբ կյանքից զրկելու նպատակով նա իր ձեռքի տակ ունեցած վերնազգեստով փակել է նորածնի շնչառական ուղիները, շնչահեղձ արել, սպանել Է նրան և դիակը թաքցրել խոհանոցի բազմոցի հետնամասում, որից հետո հարազատների կանչով ժամանած շտապ օգնության աշխատակիցներին հայտնել է որ իր մոտ տեղի Է ունեցել հղիության ընդհատում, նրանց կողմից տեղափոխվել է Վանաձորի ծննդատուն։
Վանաձորցի կինը նախկինում դատված չէ, խափանման միջոց է ընտրվել ստորագրություն չհեռանալու մասին:
Կարդացեք նաև
Այսօր հերթական դատական նիստն էր:
Անուշ ԲՈՒԼՂԱԴԱՐՅԱՆ
