Հեռավոր տարածքում արտագաղթը մեծ չափերի է հասել
Հայ-ադրբեջանական հակամարտության հետեւանքով Տավուշի մարզի Բերդի տարածաշրջանը հայտնվել է փակուղում, մեծ ճանապարհներից հեռու: Արտագաղթը մեծ չափերի է հասել: Խորհրդային տարիներին Բերդի տարածաշրջանի սահմանամերձ Մովսես գյուղի միջնակարգ դպրոցն ուներ 1000-ից ավել աշակերտ, այժմ Մովսեսի դպրոցում սովորում է 168 երեխա: Մոսկվա քաղաքում դասարաններ կան, որոնց մեծ մասը մովսեսցի երեխաներ են: Բերդի տարածաշրջանից Ռուսաստան արտագաղթածները, եթե կարողանում են այնտեղ գործ ճարել կամ սեփական բիզնես հիմնել, հետո վերադառնում են սահմանագոտի եւ իրենց հարազատներին, ընկերներին, հարեւաններին, համագյուղացիներին իրենց հետ տանում :
Բերդի տարածաշրջանում ճանաչված երգիչ Սերժիկ Վարդազարյանի որդին Ռուսաստանի Օրենբուրգի մարզում սեփական բիզնես, ֆերմերային հաջողակ տնտեսություն է հիմնել: Վերջերս նա այդ տնտեսության համար Բերդի տարածաշրջանից թվով 10 կթվորուհի է տարել Օրենբուրգ՝ յուրաքանչյուրին խոստանալով 1000 դոլարին համարժեք աշխատավարձ: Հիմա Բերդի տարածաշրջանի ֆերմերային փոքր տնտեսությունները ամռան սեզոնին կթվորուհի չեն ճարում, որովհետեւ շատերը Ռուսաստան են գաղթել կամ չեն ցանկանում ցածր աշխատավարձով աշխատել տեղացի ֆերմերի մոտ: Բերդ քաղաքում գրեյդեր վարողի կարիք կա: Սահմանամերձ այդ տարածաշրջանում քիչ են մնացել եռակցողները: Շատ որակյալ արհեստավորներ հիմա Ռուսաստանում, Ուկրաինայում եւ այլ երկրներում են աշխատում:
Բերդի տարածաշրջանում ինքնահոս եղանակով ոռոգելի տասնյակ հեկտարներ բերրի հողեր տարիներով անմշակ են: Բերդի քաղաքապետարանը, 2012թ. սեպտեմբերին քաղաքապետ ընտրված Հարություն Մանուչարյանը նախաձեռնել են մոտ 50 տարածքի մշակությունը, այնտեղ հացահատիկ է ցանվել: Սակայն ընդհանուր առմամբ՝ Բերդի տարածաշրջանում անմշակ հողերը շատ են:
Կարդացեք նաև
Ոսկան Սարգսյան
արտագաղթի միակ պատճառն այն է , որ հայն ու ուզում է ապրել մարդավայել, որի մասին մերիշխանություններն պատկերացում չունեն ,քանի որ լափելով են զբաղված
Ահա և ռո-բի-կա — շեռ-ժի-կա – շա-շի-կա -զի-բի-լա բարո դեպի ապահով Հայաստանը: