Այսօր «Հայացք» ակումբում «Առաքելություն» կուսակցության ներկայացուցիչներ Մեսրոպ Առաքելյանն ու Մանուկ Սուքիասյանը ամփոփեցին քարոզարշավը:
Առաքելյանը նշեց` «Քարոզարշավը մեզ համար դրական էր, կարողացանք հասարակությանը հասցնել մեր ծրագրերը, մոտեցումները, խանգարող հանգամանքը լրատվամիջոցների խտրական վերաբերմունքն էր: Բայց համոզված ենք, հասարակության որոշակի հատված իր ձայնը կտա «Առաքելությանը»:
Սուքիասյանի խոսքով` «Մեր քարոզարշավը ցույց տվեց, որ ցանկացած առաքելություն կարելի է իրականացնել, թեկուզ եւ դժվարությամբ: Իհարկե որոշ լրատվամիջոցներ ցուցաբերեցին խտրական վերաբերմունք: Ցանկացած ընտրություն միշտ նոր որակ է բերում ու ինդիկատորի դեր կատարում: Ընտրությունները անխուսափելի անհրաժեշտություն է»:
Ըստ Առաքելյանի` շատերը, որոնք կարծում էին, թե իրենք փորձ չունեն քաղաքականության մեջ, դա էական դեր չխաղաց հասարակության շրջանում, որ վստահեն իրենց:
Կարդացեք նաև
«Մեզ համար հաղթանակ կլինի նվազագույն շեմը հաղթահարելը, որպես նոր ուժ»,- ասաց Սուքիասյանը:
Ընդդիմադիրների հետ համագործակցելու մասին էլ Սուքիասյանը նշեց, որ իրենք այդ մասին առաջարկությամբ էին հանդես եկել, եւ ընտրություններից հետո էլ սատարելու են ընդդիմադիր թեկնածուին:
«Առաքելության» ավագանու ցուցակի առաջին եւ երկրորդ համարները նշեցին, որ մայիսի հինգին՝ ընտրության օրը, 300 -ից ավելի վստահված անձ են ունենալու:
Սուքիասյանն ու Առաքելյանը բացառեցին ընտրություններից հետո որեւէ ուժի միանալու հարցը: Սուքիասյանն ասաց` «Միանանք, որ ի՞նչ անեք», Առաքելյանն էլ հավելեց` «Մենք պատրաստ ենք քննարկել ուրիշների մեզ միանալու հարցը»:
Եվա ՀԱԿՈԲՅԱՆ
