Գործը քննվում է վարչական դատարանում
Պետական եկամուտների կոմիտեի Իջեւանի տարածքային հարկային տեսչությունը հայց է ներկայացրել ՀՀ վարչական դատարան՝ «Ատլաս- էներգո» ՍՊԸ-ից հօգուտ պետական բյուջեի 22 միլիոն 355 հազար 684 դրամ բռնագանձելու պահանջով: Հարկային տեսչության պահանջով դատարանը ընկերության դրամական միջոցների վրա կալանք է դրել:
Սույն գործով դատավարությունը վարչական դատարանի Սեւանի նստավայրում մեկնարկել է ապրիլի 25-ին, հաջորդ նիստը նշանակված է մայիսի 15-ին:
Հեռախոսազրույց ունեցանք «Ատլաս- էներգո» ՍՊԸ տնօրեն Արմեն Մեջլումյանի հետ: Ծագումով Բերդից՝ երեւանաբնակ ինժեներ-մեխանիկն ասաց, որ այդ 22 միլիոն դրամի զգալի մասը հարկային տույժ-տուգանքներն են: Նա ասաց, որ իրենց ձեռնարկությունը Բերդի տարածաշրջանի Այգեձոր գյուղում 2 փոքր ՀԷԿ է աշխատեցնում: Հայաստանում փոքր ՀԷԿ-ի տերերը սովորաբար սերտ կապերի մեջ են իշխանությունների հետ: Արմեն Մեջլումյանին հարցրինք, թե ո՞վ է իրենց բիզնեսի «կրիշան»: Նա ասաց, որ «կրիշա» չունեն, նաեւ հավելեց, որ երկու տարի առաջ հարկային տեսչությունն իրենց տուգանել էր շուրջ 32 միլիոն դրամի չափով, իրենք վարկեր վերցնելով` մաս-մաս վճարեցին այդ տուգանքը:
Կարդացեք նաև
Ոսկան ՍԱՐԳՍՅԱՆ
