Այսօր «Վարկած» ակումբում Գուրգեն Եղիազարյանը խոսելով ավագանու ընտրությունների մասին, ասաց, որ վերացնելով իշխանությունը մայրաքաղաքում ու այս իշխանությանը հաջողություն ասելը շատ արագ կլինի, բայց` «Կարծում եմ մաֆիոզ կլանն ամեն ինչ կանի, որ այդպես չլինի: Սրանց համար կենսական խնդիր է պարտադիր վերարտադրվելը, հակառակ դեպքում միլիարդները քթներից կգա…»:
Եղիազարյանն ասաց, եթե իրեն հարց տան, թե ինչպես եղավ եղեռնը` կպատասխանի` «Հենց այսպես… Սա էլ է եղեռն, եղեռնի այսօվա զոհերը նույն յաթաղանի հարվածի հետեւանքով լրացնում են սփյուռքի կազմը ու չէի ասի, թե ապրում են երջանիկ: Հայաստանի Հանրապետությունը բնութագրում են որպես գաղջ մթնլորտ, բայց գաղջը մեղմ է ասված: Հայաստանում քանի մենք չենք կազմել բոլոր պրեսկոտատիպ կենդանիների ցուցակը ու մինչեւ եվրոպական մեր գործընկերներին չբացատրենք, որ այստեղ մարդիկ խամ ու խոպան հողեր են նախապատրաստել, այս ամենը չի վերանա: Մեզ համեմատում են աֆրիկյան պետության նախագահի հետ, որը մարդ է ուտում, ու նրա սառնարանում մարդու մարմնի տարբեր կտորներ կան, բայց Սերժ Սարգսյանի սառնարանոմ մարդու չալաղաջներ չկա»:
Եվա ՀԱԿՈԲՅԱՆ
