Արմեն Ռուստամյանը ջրվեժցու հետ խոսում է Րաֆֆի Հովհաննիսյանից:
Այսօր Ջրվեժում ՀՅԴ-ականների քարոզարշավի ժամանակ ՀՅԴ ցուցակը գլխավորող Արմեն Ռուստամյանին մոտեցավ մի բնակիչ եւ մտահոգություն հայտնեց, որ անիմաստ է այս ամեն ինչը, քարոզարշավը, ընտրությունները, քանի որ Հայաստանում ընտրություններ վաղուց չեն լինում, լինում է նշանակովի նախագահ, նշանակովի քաղաքապետ: Բնակիչը պատմեց, որ վերջին անգամ ՀՅԴ անդամների հետ զրուցել է Րաֆֆի Հովհաննիսյանի հանրահավաքին:
Այստեղ խոսք բացվեց Րաֆֆի Հովհաննիսյանից եւ Արմեն Ռուստամյանը բնակչին սկսեց պատմել, թե ինչպես է խանգարել իրերի ճիշտ զարգացմանը Րաֆֆի Հովհաննիսյանը. «Խորհրդարանական կառավարման համակարգին էր պետք անցնել, անցնել խորհրդարանական ընտրությունների՝ արդեն նոր ստատուսով: Համաձայնվել էր արդեն իշխանությունը, մեկ էլ հրապարակում Րաֆֆին ասում ա՝ էդ խնդիրը մեր խնդրի հետ կապ չունի»:
Բնակիչը զարմացավ՝ այսինքն ԱԺ-ում այդ պրոցեսը գնո՞ւմ էր: «Բա ինչ էր անում»,- հաստատեց Արմեն Ռուստամյանը՝ բացատրելով, որ իշխանությունների միակ պահանջը եղել է արտահերթ ընտրությունների պահանջը հանելը. «Մենք էլ ասեցինք, եկեք դրան գնանք, առիթ է, երկու տարվա մեջ փոխվում էր համակարգը: Հիմա լավ, անպայման էս տարի՞ պիտի լիներ: Մենք կզիջեինք: Էս էր հարցը»:
Կարդացեք նաև
Մանրամասները՝ տեսանյութում.
Հռիփսիմե ՋԵԲԵՋՅԱՆ
