Քիչ առաջ Շիրակի մարզի ընդհանուր իրավասության դատարանի դիմաց, Գյումրու թիվ 14 երթուղին սպասարկող միկրոավտոբուսներից մեկի ղեկին մահացել էր 1964 թվականին ծնված Վարուժան Սարգսյանը, որը հասցրել է փողոցից դուրս քաշել միկրոավտոբուսը, բարձրանալ մայթին, որպեսզի տրանսպորտը շուռ չգա ու ուղևորները չնասվեն, ու տեղում մահացել է:
Գյումրու բժշկական կենտրոնի փոխտնօրեն Արմեն Խաչատրյանը Aravot.am-ին տեղեկացրեց, որ նա մահացած է եղել, իրականում նրա դիակն են տեղափոխել հիվանդանոց, չնայած անմիջապես իրականացվել են վերակենդանացման միջոցառումներ, արհեստական շնչառություն է տրվել:
Դեռևս հստակ չէ, թե ինչից է մահացել 49-ամյա վարորդը, սակայն ենթադրվում է, որ նա, ամենայն հավականությամբ, ինֆարկտ է ստացել:
Նունե ԱՐԵՎՇԱՏՅԱՆ
Կարդացեք նաև
Լուսանկարը`ԳԱԼԱ հեռուստաընկերության օպերատոր Տիգրան Գասաբյանի
