ՀԱԿ փոխնախագահ Լեւոն Զուրաբյանը տեղեկություններ չունի իր եւ ԲՀԿ-ական պատգամավոր Վարդան Օսկանյանի սրճարանային զրույցի ապօրինի գաղտնալսման եւ սոցցանցերում տարածման փաստով սկսված քրեական գործի ընթացքից:
Հիշեցնենք, որ պատգամավորները գրավոր ձեւով դիմել էին գլխավոր դատախազություն` քրեական գործ հարուցելու եւ հանցագործության պատասխանատուներին հայտնաբերելու եւ պատժելու պահանջով:
«Երբ որ հետաքրքրվել եմ, նորություն չի եղել, դա այն ժամանակ էր, երբ մամուլում տպեցին, եղան արձագանքներ: Դրանից հետո չեմ էլ հետաքրքրվել: Ես քննիչին անձամբ ասել եմ, որ դու չես կարողանա բացահայտել այս գործը, որովհետեւ դա արել է ազգային անվտանգության ծառայությունը: Ո՞նց կարող է բացահայտվել մի բան, որը կատարել է այս ռեժիմին սպասարկող ազգային անվտանգության ծառայությունը, ինքն իրեն բացահայտելո՞ւ է »,- Aravot.am-ին ասաց պարոն Զուրաբյանը:
Պարոն Զուրաբյանի համոզմամբ, իրենց զրույցի տարածումը վկայում է այն մասին, որ. «Մեր մեջ են տեսնում վտանգը, մեր հնարավոր համագործակցության մեջ են տեսնում վտանգը: Դրա համար գաղտնալսում են, հետո էլ փորձում են հրապարակելով մոնտաժված բաներ` իբր վարկաբեկել այդ համագործակցության գաղափարը»:
Կարդացեք նաև
Արփինե ՍԻՄՈՆՅԱՆ
