Հայաստանի լավագույն շախմատիստը Ալեքսանդր Ալյոխինի հուշամրցաշարի վերջին տուրում 42-րդ քայլում պարտության մատնեց մրցաշարը գերազանց անցկացրած ֆրանսիացի Մաքսիմ Վաշյե-Լագրավին եւ 5,5 միավորով հավասարվեց նախավերջին տուրում առաջատարի դերն ստանձնած Բորիս Գելֆանդին, որն իր հերթին ոչ-ոքի արեց Վիշվանաթան Անանդի հետ:
Մրցաշարի կանոնակարգով հավասար միավորների դեպքում առավելությունը տրվում էր սեւերով ավելի շատ պարտիա խաղացած շախմատիստին: Այս ցուցանիշով նրանք հավասար էին: Այնուհետեւ, նկատի էր առնվում տարած հաղթանակների ընդհանուր քանակը: Այստեղ հայ գրոսմայստերը, շնորհիվ մեկով ավելի հաղթանակի` երեք, նվաճեց աշխարհի 4-րդ չեմպիոնի հուշամրցաշարի հաղթողի կոչումը:
Աշոտ ՀԱԿՈԲՅԱՆ
