Ֆոտոլրագրող և կինոարտադրող Նուբար Ալեքսանյանն իր դստեր՝ Էբի Ալեքսանյանի հետ հայ ընտանիքների այսօրվա դժվարությունների մասին ֆիլմ է նկարահանում: Հայտնում է «Արմենիան միրոր- սփեքթաթորը»:
Ֆիլմի անունն է «Ճամփորդություն Հայաստան. ցեղասպանության երեք սերունդներ»: Այն մի երիտասարդ կնոջ մասին է, որը բացահայտում է իր հոր ընտանիքի մութ անցյալն ու նրանց վրա Հայոց ցեղասպանության ժխտման թողած ազդեցությունը:
Ալեքսանյաններն ասում են, որ այս ֆիլմը տարբերվում է նմանատիպ ֆիլմերից. «Ես երբևէ չեմ տեսել ժխտման ազդեցության և երեք սերունդների կրած լռության մասին ֆիլմ, – ասում է Նուբար Ալեքսանյանը, – սա լռության թողած սպիների մասին լիամետրաժ վավերագրական ֆիլմ է և թե ինչպես անմարդկային արարքները հավերժ փոխեցին հայ լինելու նշանակությունը»:
62-ամյա Նուբար Ալեքսանյանն արդեն 35 տարի է, ինչ զբաղվում է ֆոտոլրագրությամբ: Նա շրջել է ավելի քան 40 երկրներով` աշխատակցելով «Life», «Newsweek». «Time», «National Geographic», «Fortune» և «Geo» հանդեսների համար:
Կարդացեք նաև
24-ամյա Էբի Ալեքսանյանը վերջերս է ավարտել Նյու Յորքի Վասար քոլեջը:
Ֆիլմը կցուցադրվի 2014թ. դեկտեմբերին:
Պատրաստեց Հովհաննես ԻՇԽԱՆՅԱՆԸ
