Անվանի գեղանկարիչ Ռոբերտ Էլիբեկյանից Aravot.am-ը հետաքրքրվեց՝ ինչպե՞ս է գնահատում Երեւան քաղաքի ավագանու ընտրությունների քարոզարշավի ընթացքը՝ նախագահականի հետ համեմատած:
«Ես երազում եմ ապրել այնքան, որ այդ հարցին չպատասխանեմ, այսինքն՝ ընտրությունները լինեն բնական ու մարդիկ հանգիստ վերաբերվեն այդ ամենին: Երազում եմ, որ դա չլինի աղմուկով, աննկատ անցնի: Այսօր ամբողջ աշխարհում լինում են քաղաքական ակցիաներ, ընտրություններ, ու ժողովուրդը հանգիստ կողքից դիտում է, մինչդեռ մեզ մոտ ավելի լարված է անցնում: Իհարկե, հասկանում եմ, որ հազար հարց կա: Դրա համար կուզենայի, որ հիմնական կուսակցությունները՝ ներառյալ ընդդիմադիր առողջ մտածող ուժերը, ներգրավվեին այդ ընթացքի մեջ եւ փորձել օգուտ բերել»,-ասաց վարպետը:
Որեւէ ուժի քարոզչաթերթիկ ձեռքն ընկե՞լ է, ծանոթացե՞լ է նրանց ծրագրերի մշակութային հատվածին: «Ես այն մարդկանցից եմ, որոնց վրա ոչ մի քարոզչություն չի ազդում»,-պատասխանեց Ռոբերտ Էլիբեկյանը:
Ինչ վերաբերում է մշակութային ոլորտին, արվեստագետը այս կարծիքին է. «Ավանդաբար մշակույթը վերջին գնացքն է, ձեռքները չի հասնում մշակույթին… Մշակույթը սարսափելի մեծ ոլորտ է, հիմա որ խոսում ենք՝ դա էլ է մշակույթ, քաղաքականությունից մինչեւ կենցաղ մշակույթ է»:
Կարդացեք նաև
Գոհար ՀԱԿՈԲՅԱՆ
