Այս պահին արտակարգ և լարված իրավիճակ է ստեղծվել Արագածոտնի մարզում:
Ինչպես Արագածոտնի մարզից shamshyan.com-ին հայտնում է ֆոտոլրագրող Գագիկ Շամշյանը, թվով 1000-ից ավելի գյուղացիներ Երևան-Գյումրի ավտոճանապարհի Ուջան գյուղի հատվածում կանգնեցրել են բեռնատար և այլ մակնիշի տրանսպորտային միջոցներ, ճանապարհի լայնքով դրվել են ջրի հսկայական խողովակներ, որպեսզի երթևեկությունը տվյալ հատվածում տեղի չունենա:
Ֆոտոլրագրողը հայտնում է, որ գյուղացիների համբերության բաժակը լցվել է, քանի որ ըստ գյուղացիների, ինչ-որ պարսիկ Արագածոտնի մարզում սարքել է ջրի գեսեր, ինչն էլ արդեն տևական ժամանակ է զրկում է գյուղացիներին խմելու և ոռոգման ջրից։
Գյուղացիները ֆոտոլրագրողի հետ զրույցում ասում էին, որ եթե այս հարցն օրերի ընթացքում չլուծվի, ապա գալու են Երևան՝ Կառավարության շենքի դիմաց, և ի նշան բողոքի ընդհուպ ինքնահրկիզվելու են:
Կարդացեք նաև
Նշված վայր են ժամանել ոստիկանության Արագածոտնի մարզային վարչության և ոստիկանության Աշտարակի բաժնի օպերատիվ խմբերը՝ մարզի ոստիկանապետ Գրիգոր Գրիգորյանի, մարզի ոստիկանության պետի ծառայության գծով տեղակալ Արմեն Հակոբյանի, Աշտարակի ոստիկանապետ Արիստակեսյանի գլխավորությամբ:
Տեղում են նաև Ճանապարհային ոստիկանության 2-րդ սպայական գումարտակի 2-րդ վաշտի աշխատակիցները:
Ֆոտոլրագրողը քիչ առաջ հայտնեց, որ ոստիկանները գյուղացիների հետ բանակցությունների արդյունքում կարողացան ճանապարհը բացել:
Լուսանկարները՝ Գագիկ Շամշյանի
Ի՞նչ է նշանակում թվով 1000-ից ավելի գյուղացիներ: Կարելի է պարզապես գրել 1000-ից ավելի գյուղացիներ: Կամ բեռնատար և այլ մակնիշի տրանսպորտային միջոցներ: Բեռնատարը տրանսպորտային միջոցի մակնիշ չէ: Մակնիշներ են՝ ,,Ֆորդ,,-ը, ,,Նիվա,,-ն, ,,Մերսեդես,,-ը և այլ: