Aravot.am-ի տեղեկություններով, Արաբկիր համայնքի Քանաքեռ ՀԷԿ թաղամասում ԲՀԿ-ն շաբաթ, կիրակի օրերին իրենց օգտին քվեարկելու խոստում տված բնակիչներին հինգ հազարական դրամ է բաժանել:
Մայիսի 5-ին ավագանու ընտրություններին ԲՀԿ-ին քվեարկելու խոստում տված բնակիչների անձնագրային տվյալներն էլ գումարի դիմաց ԲՀԿ-ականները գրանցել են իրենց գրանցամատյանում:
«Որեւէ նոր բան չունեմ ասելու: Եթե կա ընտրակաշառքի դեպք, պետք է դիմեք ոստիկանություն` անկախ նրանից, ով որ կուսակցությունն է ներկայացնում, ով որ խախտում է օրենքը պետք է կրի պատասխանատվություն: ԲՀԿ-ն ընտրակաշառք չի բաժանում, դա գրում է մամուլը: Այսքանը»,- ասաց ԲՀԿ-ական Տիգրան Ուրիխանյանը եւ անջատեց հեռախոսը:
Արփինե ՍԻՄՈՆՅԱՆ
զզվելի է…նույն ՀՀԿ-ն են, նույն ՕԵԿ-ը
Ուրիխանը,՝ ապագա խաներից մեկն է լինելու Հայաստանում: Նա այլընտրանքայինների բանակի
անհաղթ զորավար է, որի լեզվի տակ ոչ փուշ կա, ոչ ոսկոռ: Ես ամեն անգամ խորը ցավ եմ ապրում,
որ Վարդան Օսկանյանն է շփոթմամբ հայտնվել այդ այլմոլորակայինների մեջ: Նրանց համար
Օսկանյանը՝ բարոյական շղարշ է, թեպետ արդեն հասցրել են նրան մարտի 1-ից վարքաբեկել: Շատ
լավ կլիներ, որ օր առաջ նա լքեր այդ՝ այլմոլորակայիններին, որ հետո քիչ ցավ ու վիրավորանք
ապրեր: