Այսպիսի եզրահանգման են եկել Ինֆորմացիայի ազատության կենտրոն եւ Կովկասի ինստիտուտ հասարակական կազմակերպությունների փորձագետները: Նրանք ապրիլի 7-ից 27-ն ընկած ժամանակահատվածում անցկացրել են Երեւանի 2013 թվականի ավագանու ընտրության մասնակից կուսակցությունների նախընտրական քարոզարշավի լուսաբանման վերլուծություն:
Ըստ հետազոտողների՝ փորձագիտական խումբն ընտրել է հինգ առցանց լրատվամիջոց, որոնցում տեղ գտած հրապարակումները ներկայացվել են մոնիթորինգում:
Փորձագետ Տաթեւիկ Սարգսյանի խոսքով, վերլուծությունը դիտարկվել է երկու տեսանկյունից՝ քաղաքական պայքարի եւ լրատվամիջոցների լուսաբանման:
«Այս քարոզարշավի ընթացքում մենք չտեսանք մեկ կուսակցություն, որն իր քարոզարշավի ընթացքում ներառեր գաղափարախոսական հիմնադրույթներ»,-նկատեց վերլուծությանը մասնակցած հետազոտողը՝ համոզմունք հայտնելով, որ հայ հասարակությանը այլեւս չեն հետաքրքրում կուսակցությունների գաղափարական նկրտումները:
Կարդացեք նաև
Հիշեցնենք, որ հետազոտողները ընտրել են հետեւյալ լրատվական կայքերը՝ (tert.am, news.am, 1-in.am, asekose.am, slaq.am) հաշվի առնելով վերոնշյալ կայքերի այցելուների քանակը:
Մանրամասները՝ տեսանյութում:
Աշոտ ԱԹԱՅԱՆ
