Վաղը նաիրիտցիներին կտրվի մեկ ամսվա աշխատավարձ, մինչեւ մայիս ամսվա վերջ կստանան մեկ ամսվա աշխատավարձ եւս: Այսօր բողոքի ակցիայի դուրս եկած «Նաիրիտի» աշխատակիցներին վստահեցրել են ՀՀ կառավարությունից:
Aravot.am-ի հետ զրույցում «Նաիրիտ» ընկերության մամուլի քարտուղար Անուշ Հարությունյանն ասաց, որ կառավարությունից նաեւ խոստացել են մեկ-երկու ամսվա ընթացքում լուծել նաեւ գործարանի հարցերը:
Նաիրիտցիները մեզ հետ զրույցում նշել էին, որ արդեն քանի տարի է՝ կառավարությունն ու գործարանի ղեկավարությունը աշխատավարձի փոխարեն նաիրիտցիներին «խոստումներով է կերակրում»` հուսադրելով, թե ռուսները գալու են գործարանը վերցնեն կառավարման եւ «ամեն ինչ լավ է լինելու»:
Սակայն, ըստ գործարանի աշխատակիցների, «ոչ ռուսներն են գալիս, ոչ էլ հայկական կողմն է տեղից շարժվում խնդիրը վերջնականապես լուծելու համար», եւ իրենք էլ իրենց քրտնաջան աշխատանքով վաստակած գումարները չեն կարողանում պոկել գործարանի ղեկավարությունից, մինչե որ զանգվածային ակցիաների չեն դիմում:
Կարդացեք նաև
Գործարանը մոտ 12 ամսվա աշխատավարձ է պարտք իր աշխատողներին: Յուրաքանչյուրի պարտքը միլիոնից անցնում է:
Լուսինե ԲՈՒԴԱՂՅԱՆ
