Սիրիայի վարչապետ Վաել ալ-Հալքիի ավտոշարասյունը այսօր հարձակման է ենթարկվել մայրաքաղաք Դամասկոսում, վարչապետը փրկվել է, փոխանցում է Reuters լրատվական գործակալությունը` վկայակոչելով Սիրիական պետական հեռուստատեսության հաղորդումը:
Պայթյունի հետեւանքով, որի թիրախը վարչապետին տեղափոխող եւ ուղեկցող ավտոմեքենաներն էին, վիրավորվել է ալ-Հալքիի թիկնապահներից մեկը, մեկ այլ թիկնապահ եւ վարչապետի վարորդը լուրջ վնասվածքներ են ստացել, հաղորդել է «Մարդու իրավունքների սիրիական դիտարան» իրավապաշտպան կազմակերպությունը:
Սիրիայի պետական հեռուստատեսությունը ահաբեկչական է որակել պայթյունը:
«Ազատություն» ռադիոկայան
