Մի խումբ ամերիկահայերի ներկայացրածհայցով, որը առնչվում էր Ինջիրլիքի ամերիկյան ռազմակայանի տարածքին, Կալիֆորնիայի դատարանը վճիռ է ընդունել հօգուտ Թուրքիայի, այսօր հաղորդել է CNN Turk հեռուստաալիքը:
Նույն աղբյուրի վկայությամբ, շուրջ երեք տարի շարունակված դատական գործընթացը ավարտվել է դատարանի որոշմամբ, ըստ որի` «հարցը քաղաքական է եւ ոչ դատական»: Այդպիսով, ամերիկահայերը պարտվել են այս գործում:
2010 թվականի դեկտեմբերին ներկայացրած հայցով Հայոց ցեղասպանության զոհերի ժառանգները պնդում էին, որ Թուրքիայի կառավարությունը յուրացրել է իրենց նախնիներին պատկանող՝ տասնյակ հեկտարների հասնող հողատարածքը, եւ 64 միլիոն դոլար փոխհատուցում պահանջում դրա դիմաց: Այդ հողակտորները, ըստ հայցվորների, գտնվել են Թուրքիայի հարավային Ադանա նահանգում եւ ընդգրկել նաեւ Ինջիրլիքի ներկայիս ամերիկյան ռազմաբազայի տարածքը:
Հայցը ներկայացրել էր ամերիկահայ ճանաչված փաստաբան Վարդգես Եղիայանը, ում կինը հայցվորներից մեկն էր:
Կարդացեք նաև
Արման Հովհաննիսյան
«Ազատություն» ռադիոկայան
