Շախմատի աշխարհի 4-րդ չեմպիոն Ալեքսանդր Ալյոխինի հուշամրցաշարի մասնակիցները պայքարի երկրորդ շրջանը շարունակում են Ռուսաստանի Հյուսիսային մայրաքաղաքում:
Երեկ Սանկտ-Պետերբուրգում կայացած վեցերորդ տուրում բոլոր հինգ զույգերը, այդ թվում նաեւ Լեւոն Արոնյանն ու Մայքլ Ադամսը, իրենց պարտիաներն ավարտեցին ոչ-ոքի: Արդյունքում մրցաշարային աղյուսակում տեղերի փոփոխություն չեղավ. Մաքսիմ Վաշյե-Լագրավ՝ 4,0 միավոր, Բորիս Գելֆանդ, Լորան ֆրեսինե, Մայքլ Ադամս, Լեւոն Արոնյան՝ 3,5-ական, Վիշվանաթան Անանդ՝ 3,0, Նիկիտա Վիտյուգով, Դին Լիժեն, Վլադիմիր Կրամնիկ՝ 2,5-ական, Պյոտր Սվիդլեր՝ 1,5:
Այսօր՝ 7-րդ տուրում, Արենյանը եւերով խաղում է Նիկիտա Վիտյուգովի հետ: Մյուս զույգերն են՝ Ադամս-Վաշյե-Լագրավ, Գելֆանդ-Լիժեն, Անանդ-Ֆրեսինե, Սվիդլեր Կրամնիկ:
Աշոտ ՀԱԿՈԲՅԱՆ
