Երեւանի նոր ավագանին պետք է քաղաքացու առաջ հաշվետու լինի եւ քաղաքացին պետք է թափանցիկ ձեւով իրազեկված լինի քաղաքապետարանի բոլոր ծրագրարի իրականացման վերաբերյալ: «Էկոլուր» ակումբում տեղի ունեցած քննարկման ժամանակ նշեց ՀԱԿ Երեւանի ավագանու ցուցակի 17-րդ համարը ներկայացնող ՀԱԿ անդամ Եվա Թոմասյանը:
Քննարկումը վերաբերում էր Երեւանի քաղաքապետարանի գործունեության նկատմամբ հանրային վերահսկողության և որոշումների կայացմանը հանրության մասնակցության մեխանիզմների ստեղծմանը:
Ավագանու ցուցակի 11-րդ համարը ներկայացնող Արամազդ Ղալամքարյանը վստահեցրեց, որ ՀԱԿ-ը խնդիր է դրել քաղաքացուն վերադարձնել իշխանությունը. «Մեր գործելաոճը շեշտակի տարբերվելու է գործող ավագանուց. քաղաքացուն ներգրավել մայրաքաղաքին վերաբերող բոլոր գործընթացներում, չանել քայլեր, որոնք ազդում են մայրաքաղաքի ու քաղաքացու վրա՝ առանց քաղաքացու համաձայնությունն ունենալու»:
Ըստ նրա՝ առանց երեւանցու թույլտովության վերցվում են միլիոնավոր դոլարների միջազգային վարկ եւ անհայտ է մնում, թե դրանք ինչի համար են օգտագործվում կամ հետագայում ինչպես են վերադարձվելու. «Այսօր գործող ավագանին ընդամենը հուշատախտակների բացման որոշումներ է կայացնում, իսկ կարեւորագույն հարցերն անտեսված են մնում»:
Մանրամասն՝ կարդացեք այստեղ
