Այսօր ՍԻՄ «Ազդակ» ակումբում «Սոցիոմետր» անկախ սոցիոլոգիական կենտրոնի նախագահ, սոցիոլոգ Ահարոն Ադիբեկյանը, ներկայացնելով վերջին ուսումնասիրության տվյալները, նշեց, որ Երևանի ավագանու ընտրություններում միանշանակ կանցնեն ԲՀԿ-ն եւ ՀՀԿ-ն, իսկ անցնելու շեմին են «Բարեւ Երևանը» եւ ՕԵԿ-ը:
Ադիբեկյանի խոսքով. «Եթե Տարոն Մարգարյանը «չգրգռի» ընտրողներին եւ հանգիստ շարունակի քարոզարշավը, կհաղթի: Իսկ Օսկանյանը Տարոն Մարգարյանից կրկնակի ետ է մնում: Մարգարյանի քարոզարշավը հաջող է համարում ընտրողների 44 տոկոսը: Բարեհաջող քարոզարշավ է տանում նաեւ «Բարեւ Երևանը», Արմեն Երիցյանը, իսկ անհաջող` ՀԱԿ-ը եւ ԲՀԿ-ն»:
Բանախոսն ասաց, որ կանխատեսվում է ընտրություններին 59 տոկոս մասնակցություն. «Ընտրողների 44 տոկոսը ձեւավորված կարծիք ունի, իսկ 15 տոկոսը` ոչ: Կարծիք ունեցողների վրա քարոզարշավը չի ազդում, իսկ տատանվում է ընտրողների 23 տոկոսը: Համոզիչ քարոզարշավն ազդում է 2,7 տոկոսի վրա»:
Ադիբեկյանը նշեց, որ ընտրողների միայն կեսն է հետամուտ լրատվությանը, տեսահոլովակներն էլ տեսնում է ակտիվ ընտրողների մի մասը միայն. «Իսկ կուսակցական ծրագրերի մասին տվյալ կուսակցությունից յուրաքանչյուր 10-րդը կարող է ասել: Մնացածը հիմնականում նայում են իրար դեմքներին եւ վատ աշխատող հեռախոսի պես իրար տեղեկություններ փոխանցում, ինչը վերահսկողությունից դուրս է»
Կարդացեք նաև
Սոցիոլոգի դիտարկմամբ` «Քաղաքական գործընթացի մասնակից ուժերը մտածում են, ընտրողները դատարկագլուխ արարածներ են, որոնց գլուխները կարելի լցնել: Իրականում այդպես չէ»:
Լուիզա ՍՈՒՔԻԱՍՅԱՆ
