Իրեն վնասելու նախորդ փորձը նա կատարել է 3 օր առաջ:
Ապրիլի 26-ին, ժամը 15-ի սահմաններում Նոյեմբերյանի փրկարար ծառայության եւ Նոյեմբերյանի բժշկական կենտրոնի «շտապ օգնության» ծառայության աշխատակիցները ահազանգով մեկնել են Բերդավան գյուղ, որպեսզի օգնություն ցուցաբերեն 32-ամյա Ն. Ա.-ին: Վերջինս 4-րդ անգամ է ինքնասպանության փորձ կատարում:
Նոյեմբերյանի բժշկական կենտրոնի «շտապ օգնության» ծառայության բուժքույր Ջուլիետա Նավասարդյանը մեզ հայտնեց, որ 32-ամյա չամուսնացած կինը կտրվածքներ էր արել իր նախաբազկի շրջանում, նա գտնվում էր հոգեպես անհավասարակշիռ վիճակում. բերդավանցին հայտարարել է, որ ինքը հալյուցինացիաներ ունի, չի վախենում մահից: Բուժաշխատողները կապել են նրա վերքը, հանգստացնող դեղ սրսկել: Նոյեմբերյանի փրկարար ծառայության աշխատակիցները մեզ հայտնեցին, որ բերդավանցի կինն իրենց ասել է . «Լավ եմ անում, աչքներդ հանում եմ, պարապ վեր ընկած եք»: Զարմանալի է, որ Բերդավանի բնակչուհին վերջերս Վանաձորում բուժզննում անցնելով՝ ճանաչվել է հոգեպես առողջ:
Ն. Ա.-ն ինքնասպանության նախորդ փորձը կատարել էր 3 օր առաջ՝ապրիլի 23-ին:
Կարդացեք նաև
Ոսկան ՍԱՐԳՍՅԱՆ
