«Ադրբեջանից ՅՈՒՆԵՍԿՕ-ն ստանում է 1,5 մլն դոլար: Տեղեկություններ ունենք, որ Ալիևների գերդաստանը հովանավորում է ՅՈՒՆԵՍԿՕ-ին»,-այս մասին այսօր «Հայացք» մամուլի ակումբում ասաց Եվրոպայի Հայկական Միությունների Ֆորումի (ԵՀՄՖ) նախագահ Աշոտ Գրիգորյանը:
Բանախոսը հիշեցնելով, որ Սլովակիան լինելով առաջին և միակ երկիրը, որն ընդունել է ցեղասպանության մերժումը քրեականացնող օրինագիծ, ըստ որի`Հայոց ցեղասպանության եղելությունը ժխտող անձը դատապարտվում է 5 տարի ազատազրկման.«Թուրքիան ճիշտ դիրքորոշում է ընտրել իր համար` չանդրադառնալով օրինագծին, այս կերպ փորձելով ստվերում պահել: Մինչդեռ Ադրբեջանը հիմարաբար պայքարում է այդ օրենքի դեմ` արջի ծառայություն մատուցելով մեզ: Նույնը եղավ նաև հայ-թուրքական արձանագրությունների հետ»,-ընդգծեց Գրիգորյանը:
Վերջինիս խոսքով` փաստը Թուրքիայի հետ զուգահեռ լռության է մատնել նաև Վրաստանի ԱԳՆ-ը. «Ձեռք ձեռքի տված աշխատում են: Ոչ մի տեղ մինչև այսօր չի նշվել, որ կա այսպիսի օրենք, որի համար Ֆրանսիային քիչ էր մնում պատերազմ հայտարարեր Թուրքիան: Էդուարդ Նալբանդյանը բերան չբացեց և չխոսեց պատմության մեջ առաջին անգամ ընդունված այդ օրինագծի մասին և ստացվում է, որ Սլովակիան ավելի շատ է շահագրգռված օգնել մեզ, քան մենք: Նույնիսկ լրագրողներին հնարավորություն չէր տրվել, որ այդ հարցը բարձացվեր: Նա ում կողմից է աշխատում: Մեր ազգի պատմության դեմ, թե հանուն իր շահերի: Ես սա չեմ կարողանում հասկանալ»,-բորբոքված ասաց Գրիգորյանը:
Բանախոսն անդրադառնալով մշակութային կոթողների ոչնչացմանը, ասաց, որ բոլոր տեսակ անօրինությունները սկսվում, շարունակվում և ավարտին են հասցվում մշակութային ցեղասպանության միջոցով, քանի որ վերահսկվում է հետքերը կատարված ցեղասպանության .«Մշակութային ցեղասպանությունը իրավաբանական տերմին է: Եվս մեկ անգամ պարզ դարձավ, որ ցեղասպանությունը սկսվում է մշակութային արժեքների ոչնչացումից»:
Կարդացեք նաև
Քրիստինա ՄԻՐԶՈՅԱՆ
