Կենտրոն եւ Նորք-Մարաշ վարչական շրջանների ընդհանուր իրավասության դատարանում դատախազ Սամվել Հարությունյանի դեմ բռնություն կիրառելու գործով ամբաստանվող Ստեփան Հովակիմյանն այսօր հանդես եկավ վերջին խոսքով՝ ներողություն խնդրելով անցյալ տարվա հուլիսին դատական նիստի մասնակիցներից, դատախազ Սամվել Հարությունյանից, դատարանին խնդրեց հաշվի առնել իր հոգեկան վիճակը:
Մեղադրող Ջոն Ֆարխոյանը պահանջեց 4,5 տարի ազատազրկում, իսկ պաշտպանական ճառով հանդես եկած Արշակ Կարապետյանը խնդրեց արդարացնել Ստեփան Հովակիմյանին: Սակայն նա նաեւ միջնորդեց, որ Ստեփան Հովակիմյանի նկատմամբ ընտրվի ազատազրկման հետ կապ չունեցող պատիժ:
Դատավոր Արշակ Վարդանյանը հրապարակեց դատավճիռը. Ստեփան Հովակիմյանը մեղավոր ճանաչվեց քրեական օրենսգրքի 316 հոդվածի առաջին մասով, նշանակվեց մեկ տարի ազատազրկում, սակայն ազատազրկումը մասնակիորեն գումարվեց անցյալ տարի սեպտեմբերի 25-ի դատավճռով 3 տարվա ազատազրկմանը, վերջնական պատիժ սահմանվեց 3 տարի 9 ամիսը: Ստեփան Հովակիմյանի պատժի սկիզբը կհաշվվի 2010թ. փետրվարի 6-ից:
Կարդացեք նաև
Ռուզան ՄԻՆԱՍՅԱՆ
