Քաղաքացիական ավիացիայի գլխավոր վարչություն այս պահի դրությամբ դեռ որևէ ընկերություն չի դիմել: Այս մասին «Փաստինֆո»-ի հետ զրույցում ասաց քաղավիացիայի վարչության մամուլի քարտուղար Նելլի Չերչինյանը:
Հիշեցնենք, ապրիլի 22-ին լրացել է «Արմավիայի» հետ կառավարության պայմանագրի ժամկետը, որով այդ ընկերությանը բացառիկ իրավունքով հանձնվել էին օդային որոշ ուղղություններ:
Փաստորեն, արդեն շուրջ 4 օր է, ինչ այդ ուղղությունների հարցն առկախ է մնում:
Նշենք, որ քաղավիացիայի վարչությունը «Արմավիայի» տեղի համար նոր մրցույթ չի հայտարարել, սակայն այստեղ սպասում են ավիաընկերությունների կողմից դիմումների:
Կարդացեք նաև
Ինչ վերաբերում է կառավարության կողմից ավիափոխադրումների շուկայի մասին նոր որոշման հավանականությանը, ապա քաղավիացիայի մամուլի քարտուղարն այս հարցի շուրջ որևէ նոր տեղեկություն չհայտնեց:
Ի դեպ, նշենք, որ այսօր կառավարության նիստի օրակարգում նախատեսված էր Քաղաքացիական ավիացիայի գլխավոր վարչության պետ Արտյոմ Մովսեսյանի ներկայացմամբ հարց, որը սակայն, կառավարությունը լսելու էր «գաղտնի» ռեժիմով: Թե ինչ է քննարկել գործադիրն առանց մամուլի ներկայացուցիչների, առայժմ չի գաղտնազերծվում:
