Արշակունյաց պողոտային կից գտնվող Պանթեոնը կամ Կոմիտասի անունը կրող այգին անմխիթար վիճակում է:
Տիմ ընտրություններին ընդառաջ հնարավորինս բարեկարգվում է Երևան քաղաքը, բայց արի ու տես, որ բացթողումները չափազանց շատ են և նկատելի: Բոլորիս քաջ հայտնի Կոմիտասի անվան պանթեոնն առաջին հայացքից թվում է բարեկարգված և իդեալական, սակայն բավական է ոտքդ ներս դնես Պանթեոնին հարակից այգի՝ կտեսնես, որ վիճակը սարսափելի է`ջարդված նստարաններ, քարուքանդ սալիկներ, անմխիթար կանաչապատում և չվերանորոգված մանկական խաղահրապարակ: Այգու ոչ բարվոք վիճակը անհանգստացնում է նաև անցորդներին և նրանք իրենց անհանգստությունը արտահայտեցին ինձ հետ զրույցում:
«Էշը կերան, պոչը` խռովեցին, մեր երկրում ամեն ինչն է էսպես»,- ասում է անցորդներից մեկը: «Երեխաներիս էստեղ չեմ բերում զբողսնելու, տեսեք, նույնիսկ նստարան չկա, որ նստես, ժանգոտ կառուսելներն էլ ձեզ ապացույց: Սա է մեր ավելի լավ Երևանը»:
Շատ ցավալի է, որ մեր մեծերի աճյուններն ամփոփվող այս պատմական վայրում կարելի է ականատես լինել նման բացթողումների, հատկապես, երբ այն, մեր մշակութային ժառանգության կարևոր մասն է կազմում:
Օվսաննա Սիմոնյան (mynews.am)
