Այսօր «Իրատես de facto» ակումբում «Հակակոռուպցիա» ՀԿ-ի խորհրդի նախագահ, «Հայրենիք ու պատիվ» կուսակցության ղեկավար Գառնիկ Մարգարյանը հայտարարեց. «Մենք կանգ չենք առնելու, քանի դեռ Հայաստանում առկա է արտագաղթը, լուծված չեն կրթության, գիտության եւ սոցիալական մի խումբ հարցեր»:
Մարգարյանի խոսքով` իրենց կողմից հակակոռուպցիոն շարժում սկսելու պատճառը հետեւյալն է. «Հայաստանում վերջին տարիներին ստեղծվել է մի իշխանական բուրգ, որը կոռումպացված է, եւ մեր երկրում ոչ մի հարց չի լուծվում առանց կաշառք տալու, խոսքը չինովնիկների մասին է: Կոռուպցիան իրականացնում են չինովնիկները՝ օգտագործելով իրենց դիրքը, շահ ստանալու նպատակով»:
Մարգարյանը պնդում էր, որ Հայաստանում վերջին քսան տարում իրականացվում էր եղեռն, որի պատասխանատուն ռեժիմն է: «Մեզ անհանգստացնում է երկրում շարունակվող թալանը»,-ասաց Մարգարյանը, խոստանալով առաջիկայոմ ներկայացնել, հրապարակել արտգործնախարարոթյան շենքի հետ կապված կոռուպիայի, իր ձեւակերպմամբ` թալանի մասին հարցերը:
Եվա ՀԱԿՈԲՅԱՆ
Կարդացեք նաև
