Գործում իրեղեն ապացույցները կենսաթոշակառուների հայտարարություններն են:
Գեղարքունիքի մարզի առաջին ատյանի դատարանի Սեւանի նստավայրում ընթանում է Սեւան քաղաքի բնակիչ, 1973թ. ծնված Աննա Մելիքյանի դատավարությունը: Վերջինիս մեղադրանք է առաջադրվել այն բանի համար, որ հանդիսանալով «Հայփոստ» ՓԲԸ «Սեւան» մասնաճյուղի Լճաշենի փոստային բաժանմունքի տնօրեն, օգտագործելով պաշտոնական դիրքը՝ 2012թվականի դեկտեմբերի 5-ից մինչեւ դեկտեմբերի 7-ն ընկած ժամանակահատվածում յուրացման միջոցով հափշտակել է իր վստահությանը հանձնված ընդհանուր առմամբ 5 միլիոն 177 հազար 810 դրամ գումարը , որից՝ Լճաշենի կենսաթոշակառուների կենսաթոշակների վճարման համար նախատեսված 3 միլիոն 607 հազար 830 դրամը, նպաստառուների վճարման համար նախատեսված 108 հազար դրամը, պատվովճարների վճարման համար նախատեսված 6 հազար դրամը, բաժանմունքում քաղաքացիների կողմից որպես կոմունալ վարձավճարներ մուծված 1 միլիոն 383 հազար 570 դրամը եւ կոմերցիոն ապրանքների վաճառքից գոյացած 72 հազար 230 դրամը: Ա. Մելիքյանի նկատմամբ որպես խափանման միջոց է ընտրվել չհեռանալու մասին ստորագրությունը: Որպես քրեական գործի իրեղեն ապացույցն դատարան են ներկայացվել կենսաթոշակառուների գրավոր հայտարարությունները:
Ա. Մելիքյանին մեղադրանք է առաջադրվել ՀՀ քրեական օրենսգրքի 179 հոդվածի 3-րդ մասի 1-ին կետով (« Յուրացնելը կամ վատնելը, որ կատարվել է առանձնապես խոշոր չափերով»): Այն նախատեսում է ազատազրկում 5-8 տարի ժակետով՝ գույքի բռնագրվամամբ կամ առանց դրա: Սույն գործով դատական հերթական նիստը նշանակված է մայիսի 2-ին:
Կարդացեք նաև
Ոսկան ՍԱՐԳՍՅԱՆ
։
