Բոսթոնի մարաթոնի պայթյունի ուշադրության կենտրոնում է հայտնվել մուսուլմանության վերափոխված խորհրդավոր Միշան: Գրում է «Դեյլի մեյլ» թերթը:
Թամերլան Ցարնաևի (պայթյունն իրականացնողներից) ընտանիքի անդամների պնդմամբ՝ Միշան է ծայրահեղականացրել Թամերլանին, սակայն մինչ այսօր իրավապահները և լրատվամիջոցները չեն կարողանում գտնել Միշային: Միշայի մասին հայտնի է միայն, որ նա 30-անց, կարմիր մորուքով հայ տղամարդ է ու այլևս չի ապրում Մասաչուսեթս նահանգի Քեմբրիջ քաղաքում:
Այնուամենայնիվ, ընտանիքի անդամները պատմել են լրագրողներին, որ մինչ Բոսթոնի պայթյունը, Թամերլանն ընկել էր նոր ընկերոջ ուժեղ ազդեցության տակ, որը տղայի ուղեղն է լցրել մուսուլմանական կարծր գաղափարները:
Սակայն Թամերլանի մայրը՝ Զուբեյդատ Ցարնաևան «Էյ Բի Սի նյուզ»-ին այսօր տված հարցազրույցում ասել է, որ «աբսուրդ» է վարկածը, թե Միշան է ծայրահեղականացրել նրա որդուն: Ցարնաևան նշել է, որ Միշան բավական տեղյակ էր մուսուլմանությունից, նրա համար հետաքրքիր էր այն ուսումնասիրելը, սակայն նրա հայացքները ծայրահեղական չէին:
Կարդացեք նաև
Նշենք, որ «Ասպարեզ» թերթում երեկ հրապարակված հոդվածում «Կալիֆորնիա Կուրիեր» թերթի խմբագիր Հարութ Սասունյանը կոչ է արել դատապարտել հայերի անունը այս գործի մեջ շահարկելը՝ նշելով, որ Թամերլանի հորեղբայրը (նրանից է սկսվել հայերի անունը շահարկելը) ուղիղ կապեր ունի Կասպից ծովի արևմտյան էներգետիկ ընկերությունների հետ:
Պատրաստեց Հովհաննես ԻՇԽԱՆՅԱՆԸ
