Մինչ օրս գյուղատնտեսական համատարած հաշվառում երբեւիցե չի իրականացվել:
Եկող տարի գյուղատնտեսական համատարած հաշվառում տեղի կունենա:Այն կանցկացվի 2014 թվականի հոկտեմբերի 11-31-ը:
Պետությունը հաշվելու է գյուղատնտեսական նշանակության հողերը, անասնագլխաքանակը, գյուղատնտեսական տեխնիկան, գյուղատնտեսական նշանակության շինությունները եւ այլն: Ըստ վիճակագրական ծառայության պետ Ստեփան Մնացականյանի՝ գյուղատնտեսական համատարած հաշվառման նպատակը գյուղատնտեսության վերաբերյալ վիճակագրական տվյալների ամբողջական համակարգ ձեւավորելն է եւ տարիների ընթացքում բացահայտել գյուղատնտեսության ենթակառուցվածքների փոփոխությունների միտումները:
Կարդացեք նաև
Ինչպես տեղեկանում ենք կառավարության նիստի վաղվա օրակարգից, ՀՀ կառավարությունն առաջարկել է ազգային վիճակագրական ծառայության նախագահին այս որոշումը որոշումն ուժի մեջ մտնելուց հետո մեկամսյա ժամկետում կազմել գյուղատնտեսական համատարած հաշվառման նախապատրաստման, անցկացման եւ նյութերի մշակման ծախսերի նախահաշիվը:
Այս տարի կանցկացվի փորձնական հաշվառում Արարատի մարզի Շահումյան, Ազատավան եւ Նոր-Խարբերդ գյուղական համայնքներում, Կոտայքի մարզի Նոր Գեղիում, Տավուշի մարզի Բերդ քաղաքում,Գանձաքար եւ Այգեհովիտ գյուղական համայնքներում:
Նշենք, որ մինչ այս վիճակագրական ծառայությունը իրականացրել է 2 «մինի» հաշվառում` անասնագլխաքանակի եւ գյուղատնտեսական մշակաբույսերի ցանքատարածությունների, իսկ գյուղատնտեսական համատարած հաշվառում, որպես այդպիսին, երբեւիցե չի իրականացվել:
Լուսինե ԲՈՒԴԱՂՅԱՆ
