Շիրակի թեմի առաջնորդը Ջարդի ձորում հիշեց Գյումրու երեկվա կրակոցները (ֆոտոշարք)

Այսօր Շիրակի մարզի բոլոր բարձրաստիճան պաշտոնյաներն ու բնակիչները Ջարդի ձորում իրենց հարգանքի տուրքը մատուցեցին Եղեռնի անմեղ զոհերի հիշատակին:

Շիրակի հոգևոր թեմի առաջնորդ Միքայել եպիսկոպոս Աջապահյանը, պատարագ մատուցելիս, մի պահ զայրացավ ու շատ խիստ  հրամայական  տոնով մի քանի անգամ բացականչեց . «Հայի ձեռքով հայի արյուն չպե՛տք է թափվի, հայի ձեռքով հայի արյուն չպե՛տք է թափվի, հայի ձեռքով հայի արյուն չպե՛տք է թափվի.  սա պետք է հիշե՛ք, եթե սա չեք հիշում, եթե սա չեք կատարում, ուրանում եք մեր նահատականց հիշատակը: Հայի  ձեռքով հայի արյուն չպե՛տք է թափվի, 98 տարի հետո սա է իրենց պատգամը: Սիրեցե՛ք զմիմյանց, սիրեցե՛ք զմիմյանց, սիրեցե՛ք զմիմյանց, Աստված ողորմի մեր նահատակաց»:

Սրբազանի մոտ կանգնած էին Շիրակի մարզպետը, Գյումրու քաղաքպետն ու նրա տեղակալները,  նորանշանակ դատախազը: Ներկաները մի պահ գամվեցին տեղում ու  փշաքաղվեցին  սրբազանի այս խոսքերից:

Հիշեցենենք, որ երեկ Գյումրու Շիրակացի փողոցում հնչած  կրակոցներից  սպանվեց  Արտոմ Կարապետյանը` Շեկո մականունով երիտասարդը: Նշենք, որ Եղեռնի զոհերի հուշարձանին ծաղկեպսակ դնելու եկած շիրակցիների խոսակցության միակ թեման Գյումրու երեկվա ցնցող դեպքերն էին:

Կարդացեք նաև

«Հիշում եմ՝ երբ Ջարդի ձորում  հուշարձան էին  կառուցում, հողը փորելիս՝ մարդկանց խեղված մարմիններ էին հայտնաբերել»․ 83-ամյա Միշա Զաքարյան (տեսանյութ)

• 17:38 24.04.2023

Բնակիչը՝ հաղթեց քաղաքացուն, Բելը՝ Հայկին. Շիրակի թեմի առաջնորդ

• 17:37 21.06.2021

Շիրակի մարզպետը՝ Թուրքայի դրոշն այրելու մասին. «Հարգել էդ պետության դրոշը, որ ներկայացնում է, թե ոչինչ չկա, չգիտեմ ինչքանով է ճիշտ» (Տեսանյութ, ֆոտոշարք)

• 17:45 24.04.2017

Նունե ԱՐԵՎՇԱՏՅԱՆ