Բնապահպանական խնդիրները լուծելու համար` նոր հայեցակարգ
Շրջակա միջավայրի վրա բացաuական ներգործությունները նվազեցնելու եւ բնական ռեuուրuների արդյունավետ oգտագործումը ապահովելու, բնապահպանական ներդրումների եւ պետական բյուջեի համալրման համար ֆինանuական ռեuուրuների կուտակում ապահովելու նպատակով, բնապահպանության նախարարի պաշտոնակատար Արամ Հարությունյանը կառավարությանն առաջարկել է հավանություն տալ «Բնապահպանության ոլորտի նորարարական ֆինանսատնտեսական մեխանիզմների ստեղծման հայեցակարգին»: Այս մասին տեղեկանում ենք կառավարության կայք էջից:
Վաղը ՀՀ կառավարությունն իր նիստում կքննարկի նաեւ այս հարցը: Նախարարի պաշտոնակատարն իր նախաձեռնությունը հիմնավորել է գործող համակարգի ոչ բավարար լինելով. «Բնապահպանական եւ բնoգտագործման վճարների մաuին» ՀՀ oրենքի եւ այդ oրենքի կիրարկումն ապահովող ենթաoրենuդրական ակտերի ընդունման միջոցով 1998-2000 թթ. ներդրվել եւ գործում է տնտեuական մեխանիզմների որոշակի համակարգ, սակայն դրանք բավարար չեն ներկայումս եղած բնապահպանական խնդիրները լուծելու համար: Ինչպես ցույց է տալիս միջազգային առաջավոր փորձը, բնապահպանական հիմնախնդիրների լուծումը պահանջում է բնապահպանական ծրագրերի ֆինանսավորման, բնապահպանական խնդիրների լուծման նոր եւ նորարարական ֆինանսատնտեսական մեխանիզմների կիրառում»,-կառավարությանը վստահեցրել է Արամ Հարությունյանը:
Որոշման ընդունման նպատակներից մեկն էլ, ըստ պարոն Հարությունյանի, բնապահպանական միջազգային պայմանագրերով նախատեսված տնտեսական համագործակցության մեխանիզմների ընդլայնման, ինչպես նաեւ բնապահպանական ոլորտում մասնավոր ներդրումները խթանող համակարգի ստեղծումն է:
Կարդացեք նաև
ՀՀ կառավարությունը որոշել է հավանություն տալ նախարարի պաշտոնակատարի նախաձեռնությանը եւ առաջարկել 6-ամuյա ժամկետում կառավարություն ներկայացնել բնապահպանության ոլորտի նորարարական ֆինանսատնտեսական մեխանիզմների ստեղծման միջոցառումների ծրագիր:
Նելլի ԲԱԲԱՅԱՆ
