Այսօր առավոտյան կապանցիներն այցելեցին Բաղաբուրջի հուշահամալիր, ծաղկեդրում կատարեցին 1915թ.-ի եղեռնի զոհերի հիշատակը հավերժացնող հուշակոթողին եւ մեկ անգամ եւս դատապարտեցին կատարված ոճիրը:
Հայոց ցեղասպանության 98-րդ տարելիցին նվիրված՝ այս օրերին տարաբնույթ միջոցառումներ են կազմակերպվում քաղաքի կրթօջախներում, իսկ երեկ երեկոյան ՀՅԴ Հայաստանի Երիտասարդական միության նախաձեռնությամբ մարզկենտրոնում կազմակերպվեց ջահերով ավանդական երթ դեպի Բաղաբուրջի հուշահամալիր, որին միացել էին մեծ ու փոքր կապանցիներ՝ «ճանաչում», «դատապարտում» եւ այլ գրություններով կազմված ցուցանակներով մեկ անգամ եւս պահանջելով ոճրագործներից ընդունել ցեղասպանությունը:
Մերի ՍՈՂՈՄՈՆՅԱՆ
Թեև հասկանում եմ զգացմունքները,բայց Թուրքիայի դրոշը գետնով քարշ տալը, ոտնատակ տալը և այրելը ես գտնում եմ ՍԽԱԼ , կարճամիտ քայլ ու անզորության նշան: Հայի պայքարը ՈՉ ԹԵ Թուրք ժողովրդի և/կամ իր սիմվոլների դեմ է,այլ ՀԱՆՈՒՆ պատմական արդարության և փոխհատուցման:Իսկ սրան հասնելու համար ԳՈՆԵ Թուրք ժողովրդի մի մասի համագործակցությունն անհրաժեշտ է: