Aravot.am-ը ԱԺ պատգամավոր, «Ազատ դեմոկրատներ» կուսակցության նախագահ Խաչատուր Քոքոբելյանից հետաքրքրվեց՝ ինչո՞վ կավարտվի Րաֆֆի Հովհաննիսյանի այս շարժումը Ձեր դիտարկմամբ: Նա պատասխանեց. «Մեր դիտարկմամբ՝ դա շարժում չի, թողնենք հիմա սա, էլի, խոստանում եմ՝ առաջիկայում կխոսեմ»:
Մեր հարցին, թե ի՞նչը խանգարեց ընդդիմությանը, որ համախմբվեն ավագանու ընտրություններում, որովհետեւ նախապայմաններ կային միավորման՝ պարոն Քոքոբելյանն ասաց. «Ես զգում եմ, որ ընդդիմությունը գաղափարական առումով կարող է միասնական հանդես գալ, բայց խիստ անհրաժեշտ եմ համարում, որ ռեալ ընդդիմություն ներկայացնող քաղաքական ուժերը հնարավորություն ունենային վեր կանգնել անձնական ամբիցիաներից եւ կոնկրետ խնդրի շուրջ համախմբվել՝ կոնկրետ խնդիր լուծելու առումով: Իսկ իրատեսական չեմ համարում տարբեր գաղափարներին ու մոտեցումներին՝ մեկ պլատֆորմով հանդես գալը: Դա զուտ քաղաքագիտական առումով էլ անկարելի եմ համարում»:
Մեր դիտարկմանը, որ բոլոր ընդդիմադիր ուժերն ասում են՝ պայքարում ենք ռեժիմի դեմ, եւ խնդիրը բոլորի կարծես նույնն է՝ Խաչատուր Քոքոբելյանը արձագանքեց. «Այսօր շատ հումորիստական է դարձել խոսել նման բաներից՝ ռեժիմի դեմ եւ այլն: Ես կարծում եմ, ոչ միայն հռետորաբանությամբ է պետք դա անել, այլ կոնկրետ գործողություններով եւ ամենօրյա աշխատանքով: Ցավոք սրտի, թող ինձ ներեն մեր ընդդիմադիր գործիչները, բայց ընդդիմադիրներից շատ շատերը, այդ թվում նաեւ քաղաքական ընդդիմադիր ուժերը, գործում են ընտրությունից ընտրություն եւ միայն ընտրություններն են համարում հնարավորություն՝ իրենց արտահայտման կամ ինչ-որ բանի հասնելու: Եվ կարծում եմ, հենց այդ ռազմավարության սխալ լինելու հանգամանքն է, որ այսօր Հայաստանում ընդդիմությունն այդքան ուժեղ չէ եւ այս իրավիճակը, որ այսօր ստեղծվել է, այդ առումով մենք՝ ընդդիմադիրներս պետք է նաեւ մեր մեղավորության չափն իմանանք»:
Հռիփսիմե ՋԵԲԵՋՅԱՆ
Խաչատուր Քոքոբելյանը մոռանում է ում շնորհիվ է ազգային ժողովում:
Կողքից քննադատելն ամենահեշտ գործն է:
Եթե կարող ես մի բանով օգնի:
Խաչատուր Քոքոբելյանն իր ու իր թիմի անդամների տքնաջան աշխատանքի շնորհիվ ընտրվել է որպես պատգամավոր։ Իսկ օգնելու ժամանակ արժանացավ Րաֆֆու անմարդկային ու կեղծ քննադատությանը, անձնական վիրավորանքին։