Բանակում խաղաղ պայմաններում մահացած զինվորների մայրերը դժգոհ են պաշտպանության նախարարի վերանշանակմամբ:
«Չնայած մեր պաշտպանության նախարարը շատ գոհ է իր բանակից, չեմ ասում բանակի ուժից, մենք էլ գիտենք, որ մեր բանակն ուժեղ է: Բայց մեր բանակում ոչ կանոնադրական հարաբերություններում ամեն տարի մի քանի տասնյակ զինվոր է սպանվում եւ այս նախարարի պարագայում, չեմ կարծում, որ որեւէ բան կփոխվի… Ամբողջ թողտվությունը, խայտառակ վիճակը վերեւից է»,- ասաց Արտակ Նազարյանի մայրը` Հասմիկ Հովհաննիսյանը:
Տիգրան Օհանջանյանի մայրն էլ` Գոհար Սարգսյանը շարունակեց. «Այսօր նախարարը միայն զինվորին տանելու, զորակոչելու տերն է, իսկ պատասխանատվության հարցում ասում է` դիմեք դատախազություն»:
«Ձեր տղաներին սպանել են, մենք հանձնել ենք դատախազությանը, ես ինչ անեմ, նախարարն ինձ անձամբ ասաց»,- հավելեց Հ. Հովհաննիսյանը:
Կարդացեք նաև
Մանրամասները՝ տեսանյութում
Արփինե ՍԻՄՈՆՅԱՆ
