«Մենք հասարակությանն ընդամենը հիշեցնում ենք, որ ՀԱԿ-ը նախորդ անգամ, երբ ավագանիում ունեցավ 12 տեղ, եւ դա լուրջ թիվ էր, 12 հոգով լինել ավագանիում ` որոշումներին հակադարձել, խնդիրները բարձրացնել, պահանջել եւ անցած 4 տարում կարող էր ցույց տալ` ինչպես են աշխատել: Բայց ՀԱԿ-ը բոյկոտեց, ձեռքերը լվաց այսօրվա պատասխանատվությունը ստանձնելուց, իսկ այսօր մոլեռանդ աշխատում է, բայց դա դեռ ոչինչ չի նշանակում»,- այսօր «Փաստարկ» ակումբում ասուլիսի ժամանակ ասաց «Ժառանգության» նախկին պատգամավոր Անահիտ Բախշյանը:
Ակտիվիստ Դանիել Իոաննիսյանն էլ անդրադարձավ ԲՀԿ-ի գործունեությանը ավագանիում. «ԲՀԿ-ն 4 տարի Երեւանի ավագանում էր, քանի՞ որոշման դեմ են դուրս եկել, համարյա` ոչ մի: Հիմա ԲՀԿ-ն չակերտավոր ընդդիմություն է ԱԺ-ում, խնդրահարույց օրենքների նկատմամբ ինչպե՞ս են ԲՀԿ պատգամավորները քվեարկում, ոչ այնպես, ինչպես ընդդիմադիրները, այլ՝ ինչպես հանրապետականները: Տրամաբանությունը ո՞րն է` հաջորդ ավագանիում ԲՀԿ-ն այլ կերպ իրեն պահի, ես չեմ տեսնում»:
Արփինե ՍԻՄՈՆՅԱՆ
