Ինչպես արդեն տեղեկացրել ենք՝ այսօր «Ժառանգության» առաջնորդ Րաֆֆի Հովհաննիսյանի հետ Գյումրի էր այցելել նաև այս կուսակցության կողմից նախորդ գումարման Ազգային ժողովի պատգամավոր, աստվածաբան Վարդան Խաչատրյանը:
Նա բավական երկար ելույթ ունեցավ. գյումրեցիներին հիշեցրեց, որ ինքը ևս «լեննագանցի է» ու իր մտքերը ներկայացրեց մասնավոր զրույցներով:
Խոսելով դատարկվող հայրենիքի, կործանման վտանգի առջև կանգնած հայոց պետականության ու հայրենիքի փրկության անհրաժեշտության մասին՝ աստվածաբանը մի հետաքրքիր զրույց ներկացրեց գյումրեցիներին հռոմեացի մտածող Ցիցերոնի կյանքից: «Այլևս հնարավոր չէ շարունակել այս ճանապարհով, այս ճանապարհը հեշտ է, և ինձ միշտ հիշեցրել է մի կիսացինիկ պատմություն` վերաբերող մեծն հռոմեական հռետորներից Ցիցերոնին: Մի անգամ Ցիցերոնը անցնում էր Հռոմի փողոցներով և նրա դիմաց դուրս եկավ Հռոմի ամենահայտնի մարմնավաճառներից մեկը` մի կին, որը սպասում էր Ցիցերոնի բարևին: Ցիցերոնը նրան չբարևեց, որովհետև չէր ընդունում մարմնավաճառներին: Եվ կինը, բողոքավոր և վիրավորված նրանից, ասաց` էյ, Ցիցերոն, դու` շրջապատված քո աշակերտներով, ընթանում ես ու բարև չես տալիս ինձ: Չգիտե ՞ս, որ ես կարող եմ բացել իմ հետույքը, իսկ ես հայտնի եմ որպես գեղեցկահետույք, և քո բոլոր ուսանողներն ու աշակերտները կթողնեն քեզ և կգան իմ հետևից: Ի պատասխան, Ցիցերոնն ասաց` ես չեմ զարմանում դրանից, որովհետև դու նրանց տանում ես դեպի անդունդը, իսկ ես` դեպի գագաթը: Դեպի անդունդը տանող ճանապարհը միշտ հեշտ է, կարելի է հանգիստ գնալ ու գլորվելով ընկնել դեպի անդունդը: Դեպի գագաթը տանող ճանապարհը միշտ վտանգավոր է իր փշերով և մահվան վտանգ պարունակող ճանապարհներով: Այժմ ժամանակն է, որ մենք պետք է անենք ամեն ինչ, որպեսզի մեր երեխաներին թողնենք հայրենիք: Մենք չենք կարող շարժվել այն հեշտ ճանապարհով, որը մեզ տանում է դեպի անդունդը »,-ասաց բանախոսը:
Նունե ԱՐԵՎՇԱՏՅԱՆ
Կարդացեք նաև
Հարգելի Նունե, խորհուրդս է, որպեսզի լրջությամբ մոտենաս մասնագիտական պարտական
նություններիդ:Ինչ է նշանակում՝ <>, սփյուռքահայի առոգանություն է:Իսկ գյումրեցիների ակցե՞նտը,,,