«Մենք պետք է ներկայացնենք ձեր շահերը»,- այսօր ավագանու ընտրությունների քարոզարշավի շրջանակներում այս կոչով դիմելով խարբերդցիներին՝ ասաց ՀՅԴ խմբակցության պատգամավոր Արծվիկ Մինասյանը:
Նա իր ելույթում նշեց. «Եկել է ժամանակը, որ ոչ թե պետք է խնդրենք կառավարությանը, սրան կամ նրան, այլ ինքներս լուծենք խարբերդցիների հարցերը, կարողանանք բոլոր պրոբլեմներին լուծում տալ: Բայց դրա համար անհրաժեշտ է, որ դուք հնարավորություն տաք Դաշնակցությանը՝ քվեարկելով համար հինգին, որպեսզի մենք էլ կարողանանք ոչ միայն Խարբերդում, այլեւ ողջ Երեւանով մեկ այնպիսի փոփոխություններ անել, որ տարածվի Հայաստանով մեկ»:
Մինասյանի խոսքովˋ փորձ է արվում շփոթության մեջ գցել ընտրողներին, ասելով, թե բոլորը միայն գեղեցիկ խոսքեր են ասում եւ այլն, եւ այլն, եւ որ իրենք բոլոր հարցերը կլուծեն, բայց. «Քանի՞ տասնյակ տարիներ պետք է, որ մենք էլ ձեզ հետ սպասենք մինչեւ անգործները փորձառու դառնան»:
Մինասյանը շեշտեց, որ ՀՅԴ-ն ներկայացնում է հստակ ծրագրեր: «Մենք ասում ենք Երեւանի ավագանիում հաղթող ուժը պետք է իր ընդդիմադիրին վերապահի իրեն վերահսկելու հնարավորությունը: Մենք վստահ ենք, որ Երեւանի բյուջեի փողերը ծախսելու ենք երեւանցու վրա»:
Կարդացեք նաև
Եվա ՀԱԿՈԲՅԱՆ
Հարգելիներս մի թե կարելի է մակերեսային տեղեկությունների հիման վրա հոդված գրել, միթե Դուք տեղյակ չեք, որ Արծվիկ Մինասյանը ավագանու թեկնածու չէ, իհարկե դա մեծ մեղք չէ, բայց ավելի լավ կլիներ, որ ուշադիր լինեիք: Հավանաբար Ձեզ զարմացնում է, որ Արծվիկ Մինասյանը նույնիսկ ցանկում չլինելու պարագայում, այդպիսի ակտիվ քարոզարշավ է իրականացնում, բայց պետք չէ զարմանալ, քանի որ եթե ցանկանաք Դաշնակցությունում այդպիսի երևույթներ շատ կհայտնաբերեք
Շնորհակալություն դիտողության համար: Ուղղումն արված է: