Այս պահին Հայաստանի գլխավոր դատախազության շենքի առջեւ «Ժառանգության» համակիրները բողոքի ակցիա են սկսել՝ «Ո՛չ Սերժի ախրաննիկ երազող ոստիկանին», «Վե՛րջ ֆաշիստական ոստիկանությանը» պաստառներով: Նրանք պահանջում են պատասխանատվության ենթարկել ապրիլի 9-ին Բաղրամյան պողոտայում բռնություններ կիրառած ոստիկաններին:
Այդ օրը բռնության ենթարկված «Ժառանգության» փոխնախագահ Արմեն Մարտիրոսյանը այսօր Հատուկ քննչական ծառայություն է հրավիրվել հարցաքննության: Այս պահին նա դատախազությունում է իր փաստաբանի հետ եւ նրա համար դեռ պարզ չէ՝ հրավիրվել է հարցաքննության որպես մեղադրյա՞լ, թե՞ տուժող: Այստեղ է նաեւ «Ժառանգության» առաջնորդ Րաֆֆի Հովհաննիսյանը:
Քիչ առաջ դատախազություն հանցագործության մասին հաղորդագրություն ներկայացրեց քաղաքացիական ակտիվիստ Վարդգես Գասպարին, նախօրեին ՀՀ ոստիկանապետի հետ ունեցած միջադեպի վերաբերյալ: Նրա պատմելով՝ ոստիկանները իրեն քաշքշել են եւ պատռել շորերը: Նա դժգոհեց նաեւ ոստիկանապետի վերաբերմունքից եւ նրան համեմատեց Նուբարաշենի կալանավայրի «զոն նայողի» հետ:
Մանրամասները՝ առաջիկայում:
Կարդացեք նաև
Արփինե ՍԻՄՈՆՅԱՆ
