Ոմանք ձևացնում են, թե Հայոց ցեղասպանության ճանաչումը հարձակում է թուրք ազգի և «թրքության» վրա: Այդպես չէ. դա քայլ է արդարությանն ընդառաջ: «Նյուզ սթեիթսմեն» պարբերականում գրում է Ռասիզմի դեմ եվրոպական համաժողովրդական շարժման նախագահ Բենյամին Աբթանը:
Նա կոչ է անում, որ ապրիլի 24-ին Թուրքիայի հայ և այլազգի քաղաքացիները, քաղաքացիական շարժումների առաջնորդները, ռասիզմի դեմ պայքարի ակտիվիստները, մտավորականներն ու արվեստագետները համախմբվեն Հայոց ցեղասպանությունը ճանաչելու պայքարին:
«Այսօր բաժանումը Թուրքիայի և Հայաստանի միջև չէ այլ Հայոց ցեղասպանության ճանաչման համար պայքարողների, անկախ նրանց ծագումից և բնակավայրից, և հերքմանը նպաստողների միջև է», – գրում է Աբթանը, – «Մեկ բառով՝ սա արյան հարց չէ, այլ գաղափարների, ծագման հարց չէ, այլ ընդհանուր նպատակի»:
«Արդարության և ժողովրդավարության համերաշխության համար, զոհերին և նրանց հետնորդներին հարգանքի տուրք մատուցելու համար մենք կնշենք Հայոց ցեղասպանության տարելիցը ապրիլի 24-ին Թուրքիայում», – եզրափակում է նա:
Կարդացեք նաև
Պատրաստեց Հովհաննես ԻՇԽԱՆՅԱՆԸ
