Նա հայտարարեց Մայիսի 9-ին հանրահավաքի մասին:
Այսօր «Անի պլազա» հյուրանոցում հրավիրած հավաքի ժամանակ Րաֆֆի Հովհաննիսյանն իր ծրագիրը մարզային նոր այցելությունների եւ ազգային միասնության մասին ներկայացնելուց հետո ասաց, որ գուցե պայքարի այս փուլը հեշտ չէ, դյուրին չէ, եւ առավել կամք կպահանջի՝ իր գործողությունների ծրագրով, սակայն սա է, որ իրավիճակի նախախնամքն է:
Դիմելով Սերժ Սարգսյանին՝ նա ընդգծեց. «Բաղրամյան համապատասխան հասցեում թող լսեն այս նախադասությունը՝ անարդարությունն ունի ծավալ եւ հետեւանքներ, որոնք երբեք չեն կարող չափվել, մինչեւ որ արդեն ուշ է: Չուշացնե՛ք, չուշացնեք ձեր ինքնահրաժարումը իշխանությունից, որովհետեւ դա պատկանում է ժողովրդին»: Այս դիտարկումը շատ բուռն ընդունվեց ներկաների կողմից:
Կարդացեք նաև
Րաֆֆի Հովհաննիսյանը նաեւ հայտարարեց, որ մայիսի 9-ին հաղթական հավաք է լինելու Ազատության հրապարակում, մինչ այդ մարզերում լինելու է մարզային ժողովներ:
Ելույթից հետո Րաֆֆի Հովհաննիսյանը համբուրեց Եռագույնը եւ ներողություն խնդրեց՝ մոտ մեկ ժամ խոսելու համար՝ ասելով, որ «մեղքերը կքավի»:
Հռիփսիմե ՋԵԲԵՋՅԱՆ
