Ամբաստանյալը նախկինում դատված է
Լոռու մարզի Ալավերդի քաղաքի բնակիչ, 1993թ. ծնված Արամո Ավետյանին մեղադրանք է առաջադրվել այն բանի համար, որ նա 2012թ. մարտի 19-ին, ժամը 18-ի սահմաններում Լոռու մարզի բնակչուհուն՝ 1994թ. մայիսին ծնված աղջկան խաբեությամբ տարել է Ալավերդի քաղաքում գտնվող իր բնակարան, ապա իբր իր հետ սեռական հարաբերություն ունենալու մասին այդ քաղաքում տեղեկություններ տարածելու սպառնալիքով, նրան շանտաժի է ենթարկել, պահանջել իր հետ սեռական հարաբերություն ունենալ:
Աղջիկը կարծելով, որ հակառակ դեպքում ինքը կվարկաբեկվի, ենթարկվել է տղայի պահանջին եւ վերջինս այդ բնակարանում հետանցքից սեռական հարաբերություն է ունեցել աղջկա հետ: Ա. Ավետյանն աղջկան տարել է նույն շենքի մեկ այլ բնակարան եւ հեռացել:
Ըստ առաջադրված մեղադրանքի՝ մարտի 20-ին, ժամը 13-ի սահմաններում Ա. Ավետյանը եկել է այդ բնակարան եւ աղջկանից պահանջել իր հետ սեռական հարաբերություն ունենալ, սակայն աղջիկը կտրուկ հրաժարվել է: Ավետյանը բռնություն գործադրելով, հարվածելով աղջկա մարմնի տարբեր մասերին՝ կրկին նույն եղանակով սեռական հարաբերություն է ունեցել :
Կարդացեք նաև
Ա. Ավետյանին մեղադրանք է առաջադրվել ՀՀ քրեական օրենսգրքի 139 հոդվածի 2-րդ մասի 3- կետով («Սեքսուալ բնույթի բռնի գործողությունները, որոնք կատարվել են անչափահասի նկատմամբ») եւ 140-րդ («Սեքսուալ բնույթի գործողություններին հարկադրելը») հոդվածներով: Ա. Ավետյանի շահերը դատարանում պաշտպանում է փաստաբանը:
Նշենք, որ նախկինում դանակահարության համար դատված Ավետյանը սկզբում ձերբակալվել է, հետո նրա նկատմամբ խափանման միջոց է ընտրվել չհեռանալու մասին ստորագրությունը: Սույն գործով դատավարությունն ընթանում է Լոռու մարզի առաջին ատյանի դատարանի Ալավերդու նստավայրում:
Դատական տեղեկատվական «Դատալեքս» ինտերնետային կայքում տուժող աղջկա սեռը սխալմամբ գրված է «արական»:
Ոսկան ՍԱՐԳՍՅԱՆ
Չեմ կասկանում այս կարգի լուրերի մանրամասն հրապարակումը: