«Բարգավաճ Հայաստան» կուսակցությունը շարունակում է նախընտրական քարոզարշավը: Հերթական հանդիպումը փոքր ու միջին ձեռնարկատերերի հետ էր: Կուսակցության ներկայացուցիչները կարևորեցին փոքր ու միջին ձեռներեցության զարգացումը՝ շեշտելով, որ իրենց նախընտրական ծրագրում հատուկ ուշադրություն է դարձված այս խնդրին: Երևանը պետք է գրավիչ լինի ներդրումների ու բիզնես ծավալողների համար:
Նաիրա Զոհրաբյանի խոսքով՝ որևէ քաղաքական ուժի նախընտրական ծրագրում գրված չէ, թե ուզում են վատ Երևան ունենալ, բոլորի ծրագրերն էլ խոստումնալից են ու գեղեցիկ: Կարևորն այն է, թե որ քաղաքական ուժն է ի զորու իր խոսքը գործ դարձնել:
«Փոքր ու միջին ձեռներեցությունը ոչ միայն երկրի տնտեսության ողնաշարն է, այլև միջին խավի ձևավորման հիմքը, հետևաբար պետք է բարենպաստ միջավայր ստեղծվի վերջիններիս համար: Երևանը պետք է գրավիչ լինի ներդրումների ու բիզնես ծավալողների համար»,- նշեցին կուսակցության ներկայացուցիչները՝ հավելելով, որ «Բարգավաճ Հայաստան» կուսակցությունը լավ գիտի, թե ինչպես հասնել դրան:
Կուսակցության ներկայացուցիչները կոչ արեցին անպայման մասնակցել ընտրություններին և համոզված լինել՝ հաղթանակի պարագայում ոլորտի առաջնահերթ խնդիրները լուծում կստանան:
Կարդացեք նաև
ԲՀԿ պաշտոնական կայքէջ
