Օրերս «Առավոտի» հետ զրույցում գրող-հրապարակախոս Մերուժան Տեր-Գուլանյանն ասաց. «Վերջերս պատիվ ունեցա ընթերցել Հարություն Հարությունյանի (լուսանկարում) եւ Արամ Շահբազյանի «Հարդենբերգի վկաները» կինոսցենարը: Սցենար, որտեղ առաջին անգամ ես տեսա,
որ չկա, կարելի է ասել, արդեն դասականացված մոտեցումը մեր ազգի հետ պատահած մեծ ողբերգության, չկա մեր, մի տեսակ, աշխարհին հաճախ անհաղորդ ողբը: Սցենարը ոչ թե լացուկոծ է, ոչ թե յաթաղանի ցուցադրություն, այլ պայքար՝ հանուն արդարության, հանուն համամարդկային արժեքների, հանուն մարդու եւ ազգերի իրավունքի, եւ շատ ավելի ամբողջական է ներկայացնում մեր ողբերգությունը, քան մինչ այդ հայտնի ֆիլմերը:
Ուստի խնդրում եմ, որ թերթը անդրադառնա այդ հրաշալի սցենարին եւ ավելի հանգամանալից ներկայացնի ընթերցողին:
Կարծում եմ, որ բոլորս պիտի տեր կանգնենք այս սցենարին, քանզի երկու տարի է մնացել Ցեղասպանության հարյուրամյակին: Մինչ այս մեր ազգի մեծ ողբերգության մասին ավելի հետաքրքիր գործ չեմ կարդացել»:
Կարդացեք նաև
Հարություն Հարությունյանի հետ հարցազրույցը
«Առավոտ» օրաթերթ
