Կայացել է ֆուտբոլի Ուկրաինայի գավաթի խաղարկության ½ եզրափակչի վիճակահանությունը:
Գործող գավաթակիր Դոնեցկի «Շախտյորին» ճակատագրի կամքով բաժին է հասել այս փուլի հնարավոր մրցակիցներից ամենաթույլը` երկրի առաջնության 1-ին խմբում հանդես եկող «Սեւաստոպոլը», որի հետ հանքափորները մայիսի 8-ին խաղալու են նրա դաշտում: Երկրորդ զույգը կազմել են Օդեսայի «Չերնոմորեցը» եւ Դնեպրոպետրովսկի «Դնեպրը»:
Հաջողության հասնելու դեպքում Հենրիխ Մխիթարյանի թիմը մայիսի 22-ին Կիեւի «Օլիմպիյսկի» մարզադաշտում նշանակված եզրափակիչ հանդիպմանը կներկայանա տանտիրոջ կարգավիճակով:
Աշոտ ՀԱԿՈԲՅԱՆ
