Ճամփորդության ու զբոսաշրջության ոլորտը ԵՄ չափանիշներին համապատասխանացնելուն նվիրված երկօրյա միջազգային համաժողովի ընթացքում լրագրողների հետ ունեցած ճեպազրույցում ՀՀ էկոնոմիկայի նախարարի տեղակալ Արա Պետրոսյանը, պատասխանելով այն հարցին, թե որքանո՞վ է ազդել «Արմավիա» ընկերության սնանկացումն արտասահմանից Հայաստան ժամանող զբոսաշրջիկների թվի վրա՝ ասաց.
«Մենք, որպես լիազոր մարմին, շատ ինտենսիվ կապի մեջ ենք մասնավոր հատվածի հետ, ովքեր կազմակերպում են տուրիստական այցելություններ դեպի Հայաստան: Պետք է ասեմ, որ բողոքներ, տուրիստական հոսքերի չեղյալ հայտարարված ամրագրումներ այս պահի դրությամբ չունենք: Դա նշանակում է, որ այլ ավիաընկերությունները, որոնք հնարավորություն ստացան, բարձրացնելու իրենց թռիչքների հաճախականությունը, փակեցին այն ամբողջ շուկան, որ նախկինում ինչ-որ ձեւով տնօրինում էր «Արմավիան» «:
Ըստ էկոնոմիկայի նախարարի տեղակալի, վերջին շրջանում «Արմավիան» այլեւս հանդես չէր գալիս շատ շուկաներում, այդ պատճառով էլ նրա սնանկացումը Հայաստան ժամանող զբոսաշրջային հոսքերի վրա էական ազդեցություն ունենալ չէր կարող:
Իսկ Հայաստանում ԱՄՆ-ի դեսպան Ջոն Հեֆերնը, խոսելով
Կարդացեք նաև
Հայաստանում զբոսաշրջիկներին մատուցվող ծառայությունների գներից ու որակից, ասաց. «Եթե Վիեննայի օդանավակայանում 15 ժամ սպասում ես քո թռիչքին, ԱՄՆ-ից գալու համար երկու գիշեր ստիպված ես անցկացնել ինքնաթիռի մեջ, դու այլեւս չես ուզում գալ Հայաստան»:
Նրա խոսքով՝ Հայաստանում զբոսաշրջիկներին մատուցվող ծառայությունների որակը բարելավման կարիք ունի, իսկ գները՝ վերանայման:
Աշոտ ԱԹԱՅԱՆ
