Հատված միջազգային փորձագետ Հովհաննես Իգիթյանի հարցազրույցից:
– Առաջին նախագահի թեզին համաձա՞յն չեք՝ «կիսաքաչալ բիձեքի» և նոր ժամանակների մասին։
– Իհարկե ոչ, այդպիսի հարց չկար էլ, ցանկացած կուսակցության մեջ լինում են տարբեր տարիքի մարդիկ, կուսակցությունը ոչ թե տարիքային ցենզով է որոշվում, այլ գաղափարախոսությամբ։
– Լեւոն Տեր–Պետրոսյնի պրագմատի՞զմն էր այդ քայլի պատճառը, գաղափարակա՞ն խնդիրները, նյութատեխնիկակա՞ն։
Կարդացեք նաև
– Լևոն Տեր-Պետրոսյանը երկար ու մանրամասն ներկայացրեց պատճառները, ես ավելացնելու ոչինչ չունեմ։ Ես համաձայն չեմ նրա շատ տեսակետների հետ, բայց դա չի նշանակում, որ ես չեմ կարող սխալվել։ Բոլոր դեպքերում ես ցավում եմ, որ իմ կուսակցությունը, որի ստեղծման ակունքներում եմ եղել, որ անկախ տարբեր ժամանակներում իր նկատմամբ վերաբերմունքից, տարբեր իշխանությունների օրոք կարողացավ իր դեմքը պահել և այսօր գոյություն ունենալ, հանկարծակի փակվեց։ Այն, ինչ ասվում էր ՀՀՇ-ի վերջին համագումարում, վկայում է, որ ճգնաժամ ուներ ՀԱԿ-ը, ոչ թե ՀՀՇ-ն։ ՀԱԿ-ի ճգնաժամը հաղթահարելու համար փակվեց այն կուսակցությունը, որ ճգնաժամ չուներ։
– Նոր ՀՀՇ կարո՞ղ է ստեղծվել։
– ՀՀՇ անունն առաջնահերթ չէ, ազատական-ժողովրդավարական դաշտը բաց է, և որևէ կուսակցություն այդ թափուր տեղը զբաղեցնելու է։ Այդ գաղափարախոսությունը գոյություն ունի աշխարհում, եվրոպայում և Հայաստանում իտ տեղը պետք է ունենա:
Անահիտ ԱԴԱՄՅԱՆ
«Իրատես de facto»
