«A» սերիայի առաջնության ավարտից հետո Անդրեյ Արշավինն ամենայն հավանականությամբ կհեռանա Անգլիայից:
Նրանով որոշակիորեն հետաքրքրված են Ավստրալիայի եւ Քաթարի ակումբները: Արշավինին ձեռք բերելու մտադրություն ունի նաեւ Լենքորանի «Խազարը»: Այս առիթով ադրբեջանական ATV հեռուստաալիքի մեկնաբան Սանան Սաֆիզադեն «Covsport.ru»-ի թղթակցի հետ զրույցում ասել է, թե գլխավորը ֆինանսական հարցն է: Նրա խոսքերով, Լենքորանի թիմի սեփականատերը հովանավորում է նաեւ «Բեշիկթաշը» եւ ժամանակի մեծ մասն անցկացնում է Թուրքիայում: Բայց նա դրամ կճարի: Հարցին, թե վերջերս Ադրբեջանի պառլամենտում վերջերս օտար ազգանունների վերջավորությունները փոխելու նախաձեռնություն է հնչեցվել եւ ըստ այդմ Արշավինը ստիպված պիտի դառնա Արշավզադե՞, Սանան Շաֆիզադեն պատասխանել է. «Նա Ադրբեջանի քաղաքացի չէ: Բացի դա, ազգանունների վերջավորությունները փոխվում են ըստ ցանկության: Հիմա ավելի ընդունված է մեկ այլ տարբերակ: Անդրեյի հայրանունը Սերգե՞յ է: Ուրեմն նա կդառնա Անդրեյ Սերգեյ Օղլի:
Աշոտ ՀԱԿՈԲՅԱՆ
