Կենտրոն եւ Նորք-Մարաշ վարչական շրջանների ընդհանուր իրավասության դատարանի վարույթում գտնվող ՀՀ աշխատանքի եւ սոցիալական հարցերի նախարարության պետական ծառայության նախկին պետ Վազգեն Խաչիկյանի եւ սոցապի նախկին 12 աշխատակիցների գործով նշանակված դատական նիստը հետաձգվեց: Ամբաստանյալ Հովհաննես Գրիգորյանի պաշտպան Արա Զաքարյանը մեկ ժամ ուշացումով մեկ այլ փաստաբանի հեռախոսով հայտնել էր, որ չի կարող մասնակցել դատական նիստին եւ երկու ժամ ժամանակ էր խնդրել:
Դատավորը ողջամիտ չհամարեց նիստը եւս երկու ժամով ընդմիջելու փաստաբանի հեռակա խնդրանքը, ուստի հետաձգեց դատական նիստը: Այն նշանակվեց մայիսի 16-ին:
