«Երեւանի բյուջեն պետք է ավելի շատ ծրագրային, բյուջետավորման ղեկավարման հիմունքներով կազմված լինի: Հիմա իրականացվում են ծրագրեր, որոնց արդյունավետությունը դժվար է գնահատել»,- այսօր այս մասին «Մեդիա կենտրոնում» ասաց «Բարեւ Երեւան» դաշինքի ավագանու թեկնածու Սիմոն Ղոնախչյանը:
Ղոնախչյանի խոսքով` պետք է այնպես լինի, որ երեւանցին գոհ լինի: Ինչ վերաբերվում է Երեւանի բյուջեին, ապա ըստ նրա` «Բյուջեի վերահսկողության մեխանիզմների հետ կապված օրենքում թերացումներ կան ավագանու լիազորությունների վերաբերյալ: Շատ կարեւոր է, որ քաղաքական գնահատականներ տրվի բյուջեի կատարմանը, օրինակ՝ այս տարվա հետ կապված գնահատական չկա»:
Ավագանու թեկնածուն նշեց, որ այժմ քաղաքապետը ներկայացնում է բյուջեի հաշվետվությունը աուդիտի եզրակացության հիման վրա, իսկ այդ աուդիտի եզրակացությունն այդպես էլ որեւէ տեղ իրենք չեն կարողացել գտնել, դրան ծանոթանալու համար:
Եվա ՀԱԿՈԲՅԱՆ
