ՀՅԴ ավագանու թեկնածու Արծվիկ Մինասյանը, այսօր «Մեդիա կենտրոնում» խոսելով Երեւանի բյուջեի մասին, ասաց, որ իրականում այն 65 միլիարդ դրամ չէ. «Եթե ավելի լուրջ դիտարկենք 2013 թվականի Երեւանի բյուջեն՝ կտեսնենք, որ 80 միլիարդ է: Առաջիկա 4 տարիների ընթացքում այն հնարավոր է 400 միլիարդի հասցնել եւ դրա հնարավոր զարգացումների մեր առաջարկած սցենարը հետեւյալն է` թուլացնել կառավարությունից կախվածությունը»:
Մինասյանը նշեց, որ ՀՅԴ-ն ուզում է, որ Երեւանում ստեղծված մինչեւ 30 տոկոս եկամտահարկը ու շահութահարկը գնա հենց Երեւանի բյուջե, Երեւանը ներգրավվի բիզնես ծրագրերում»: Իսկ բյուջեի արդյունավետ վերահսկողության համար ՀՅԴ-ն առաջարկում է, որ այն իրականացվի ընդդիմադիր ուժերի կողմից:
«Կենտրոն համայնքը տարեկան 3 մլն դոլար գումար է ծախսում աղբահանության վրա: Բայց դրա արդյունքային նկարագրությունը չկա»,- նշում է Մինասյանը, շարունակելով, որ Երևանն իրավաբանական անձ է, ունի ակտիվ գույք:
Եվա ՀԱԿՈԲՅԱՆ
Կարդացեք նաև
